ՏԵՍԱՆՅՈՒԹ․ Անթալիաում ՌԴ-ից ժամանած զբոսաշրջիկներ տեղափոխող երկու միկրոավտոբուսներ բախվել են․ կան տուժածներ
Թուրքիայի հարավում գտնվող Անթալիա նահանգում Ռուսաստանից ժամանած զբոսաշրջիկներ տեղափոխող երկու միկրոավտոբուսներ բախվել են, առնվազն հինգ մարդ տեղափոխվել է հիվանդանոց, ՌԻԱ Նովոստիի փոխանցմամբ, հայտնում է IHA-ն։
Դ400 մայրուղով նույն ուղղությամբ ընթացել են երկու միկրոավտոբուսներ, որոնցից մեկը Կիլիզագաչ գյուղի մոտ բախվել է մյուսին։
«Վթարի հետևանքով ռուս զբոսաշրջիկներ են տուժել, նրանց մի զգալի մասը հրաժարվել է հոսպիտալացումից։ Բժիշկների հորդորներն անտեսելով, զբոսաշրջիկները գերադասում էին գնալ հյուրանոցներ, քան հիվանդանոց»,- ասվում է հրապարակման մեջ։
Գործակալության տվյալներով՝ և՛ երթուղայինների վարորդները, և՛ հինգ ռուսներն ի վերջո տեղափոխվել են հիվանդանոց։
