ՏԵՍԱՆՅՈՒԹ. Թաթարստանի պատգամավորը քննադատել է Կադիրովի որդուն, ապա ներողություն խնդրել

Թաթարստանի Պետական ​​խորհրդի պատգամավորը սկսել է խոսել այն մասին, թե ինչպես է Կադիրովի որդին ծեծի ենթարկել բանտարկյալին։ Հետո փոխել է թեման ու ներողություն խնդրել։ Եվ շուտով պատգամավորի ելույթի ձայնագրությունը ջնջվել է սոցիալական ցանցերից: Այս մասին հայտնում է meduza.io-ն:

«Ռուսաստանի Դաշնության սուբյեկտի ղեկավարը որդուն հերոսի կոչում է շնորհում մարդուն ծեծելու համար։ Հետագայում զարգացնելով իր գաղափարը՝ նա ասում է, որ ինքը բոլոր մուսուլմանների հերոսն է։ Ո՞վ կարող է պատասխանել», - ասել է նա

Դրանից հետո Խամաևը փոխել է թեման և սկսել խոսել այլ հարցերի մասին։ Պատգամավորներից ոչ մեկը չի մեկնաբանել Ադամ Կադիրովի մասին նրա խոսքերը։

Նույն օրը երեկոյան Թաթարստանի ղեկավար Ռուստամ Միննիխանովը պատգամավորի հայտարարությունը անվանել է իր անձնական կարծիքը, որը «ոչ մի կապ չունի հանրապետության մուսուլմանների դիրքորոշման հետ»։

Շուտով լրատվամիջոցները տարածել են Խամաևի հայտարարությունը, որում նա ներողություն էր խնդրում իր «հուզական հայտարարության» համար. 

«Հանրապետության Պետական ​​խորհրդի նիստում ելույթ ունենալով՝ ես զուտ անձնական կարծիք հայտնեցի, որը չաջակցվեց իմ գործընկերների կողմից։ Ներողություն եմ խնդրում իմ հուզական հայտարարության համար, որը կարող է վնասել եղբայրական ժողովուրդների հարաբերություններին»։

Հոկտեմբերի 20-ին Խամաևի ելույթի տեսագրությունը հանվել է Թաթարստանի Պետական ​​խորհրդի պաշտոնական էջից:

Հիշեցնենք` Չեչնիայի ղեկավար Ռամզան Քադիրովը թելեգրամյան իր ալիքում տեսանյութ է հրապարակել որդու՝ Ադամի հետ և նրան անվանել բոլոր մահմեդականների հերոս։