Ֆրանսիայում վեց օդանավակայան սպառնալիքների պատճառով տարհանվել է
Ֆրանսիական վեց օդանավակայաններ այսօր առավոտյան ռումբերի առկայության մասին սպառնալիքներ են ստացել, մարդկանց այնտեղից տարհանել են: Այս մասին հայտնում է European Pravda-ն:
Սպառնալիքներ են ստացվել Լիլում, Բրոնում, Նիցցայում, Նանտում, Թուլուզում և Փարիզի մոտ գտնվող Բովեում։ Օդանավակայաններում ականազերծման ծառայությունները սկսել են կասկածելի առարկաների վերացման աշխատանքներ իրականացնել:
Քաղաքացիական ավիացիայի գլխավոր վարչությունից հայտնել են, որ այդ օդանավակայաններից ինքնաթիռներ չեն թռչում։
