Հայտնաբերվել է Հայաստանում ՌԴ Ներքին գործերի փոխնախարարի ներկայացուցչի դին

Այսօր տեղեկատություն է տարածվել այն մասին, որ իր աշխատասենյակում հայտնաբերվել է Հայաստանում ՌԴ Ներքին գործերի փոխնախարարի ներկայացուցչի դին:

Auroranews.am-ի հետ զրույցում Ոստիկանության հասարակայնության հետ կապի և լրատվության վարչության պետ Զարզանդ Գաբրիելյանը հաստատեց տեղեկատվությունը:

«Ժամը 09:45-ի սահմաններում Արաբկիր շտապօգնության ենթակայանից ահազանգ է ստացվել ՀՀ ներքին գործերի նախարարության ոստիկանության Արաբկիրի բաժին, որտեղից հայտնել են, որ բժիշկների հերթապահ խումբը կանչով մեկնել է Մանուշյան 72 հասցե, որտեղ տղամարդ է հանկարծամահ եղել: Մեկնել է օպերատիվ-քննչական խումբ»,-ասաց Զարզանդ Գաբրիելյանը:

Հայաստանի քննչական կոմիտեից էլ տեղեկացրին, որ քրեական վարույթ է նախաձեռնվել. «Խիստ նախնական տվյալներով՝ հանկարծամահություն է, արտաքին զննությամբ դիակի վրա բռնության հետքեր չկան։ Նշանակվել է դատաբժշկական փորձաքննություն, վերջնական պատճառները պարզ կլինեն քննության արդյունքներից ելնելով»։