Եգիպտոսի նախագահը նշել է Գազայի հատվածում Իսրայելի ռազմական գործողության իրական նպատակը

Իսրայելի զինվորականները Գազայի հատվածում գործողություն են իրականացնում ոչ թե հանուն ՀԱՄԱՍ-ի դեմ պայքարի, այլ պաղեստինցիներին դուրս մղելու համար: Այսպիսի կարծիք է հայտնել Եգիպտոսի նախագահ Աբդել Ֆաթթահ աս Սիսին, գրում Է ՏԱՍՍ-ը։ 

Նա ուշադրություն է հրավիրել այն հանգամանքի վրա, որ Սինայում պաղեստինցիների վերաբնակեցման փորձը կհանգեցնի նրան, որ Եգիպտոսը ներքաշվի Իսրայելի դեմ հակամարտության մեջ:

Հիշեցնենք` հոկտեմբերի 7-ին ՀԱՄԱՍ շարժման ուժերը մի քանի հազար հրթիռ են արձակել Իսրայելի տարածքի վրա և հայտարարել "Ալ Աքսայի ջրհեղեղ"գործողության մեկնարկի մասին: Հազարավոր զինյալներ ներխուժել են Իսրայելի տարածք՝ գրավելով տասնյակ միավոր ռազմական տեխնիկա և հարյուրից ավելի պատանդներ։  Իսրայելի վարչապետ Նեթանյահուն հայտարարել է, որ երկիրը գտնվում է պատերազմական իրավիճակում:

Իսրայելի պաշտպանության բանակի պատասխան Գործողությունը ստացել է "երկաթե թրեր" անվանումը, որի նպատակներից մեկը ՀԱՄԱՍ-ի ոչնչացումն է: Իսրայելի ռազմաօդային ուժերը հարվածներ են հասցրել Գազայի հատվածում ՀԱՄԱՍ-ի հարյուրավոր օբյեկտների ուղղությամբ։