«Երևանում բնակելի շենքերի մոտ գտնվող բենզալցակայանների կյանքը այլևս չպետք է շարունակվի». Ավինյան
Երևանի քաղաքապետարանի գործակարգավարական նիստում անդրադարձ է եղել բնակելի շենքերի մոտ բենզալցակայանների գործունեության անթույլատրելիությանը։
Երևանի քաղաքապետ Տիգրան Ավինյանը շեշտել է, որ Երևանում բնակելի շենքերի մոտ գտնվող բենզալցակայանների կյանքը այլևս չպետք է շարունակվի. «Դա նախ և առաջ վտանգավոր է, և բացի այդ՝ հազար ու մի տեսակի խնդիրներ է առաջացնում։ Հետևաբար, այս աշխատանքները մենք հետևողականորեն պետք է շարունակենք»,- ասել է նա։
