Երևանի ճանապարհների բոլոր գծանշումները կթարմացվեն
Երևան քաղաքում մեկնարկում են գծանշումների թարմացման աշխատանքներ: Ըստ կազմված ժամանակացույցի՝ աշխատանքները կավարտվեն դեկտեմբերին, և արդյունքում մայրաքաղաքի ճանապարհային գծանշումներն ամբողջությամբ թարմացված կլինեն: Այս մասին նշվել է այսօր՝ հոկտեմբերի 16-ին, Երևանի քաղաքապետարանի գործակարգավարական նիստին:
Կենտրոն վարչական շրջանում աշխատանքները կավարտվեն հոկտեմբերի վերջին, Նոր Նորք, Քանաքեռ-Զեյթուն, Մալաթիա-Սեբաստիա, Ավան վարչական շրջաններում՝ նոյեմբերի ընթացքում, իսկ Արաբկիրում, Շենգավիթում, Նուբարաշենում, Դավթաշենում, Աջափնյակում, Նորք-Մարաշում և Էրեբունիում՝ դեկտեմբերի առաջին տասնօրյակում:
