Սա պատմական փաստաթուղթ է և հաղորդագրություն հզոր Իրանից. Փեզեշքիանի հայտարարությունը

Իրանի նախագահ Մասուդ Փեզշեքիանը X-ի իր էջում անդրադարձել է Իրանի և ԱՄՆ-ի միջև ստորագրված խաղաղության հուշագրին՝ այն որակելով որպես պատմական փաստաթուղթ և հաղորդագրություն հզոր Իրանից:

Մասուդ Փեզեքիանը գրել է. «Սա պատմական փաստաթուղթ է և հաղորդագրություն հզոր Իրանից. խաղաղությունը կհաստատվի փոխադարձ հարգանքի հովանու ներքո։ Իրանի Իսլամական Հանրապետությունը միշտ հավատարիմ է համաշխարհային խաղաղությանը՝ պահպանելով արժանապատվությունն ու անկախությունը, առաջընթացը և տարածաշրջանային համագործակցությունը»:

Հունիսի 18-ի գիշերը Իրանի և ԱՄՆ-ի միջև հեռակա կարգով ստորագրվել է հուշագիր, որով նախատեսվում է փետրվարի 28-ին մեկնարկած ռազմական հակամարտության ավարտը։ Փաստաթղթով նաև սահմանվում են ժամկետներ, որոնց համաձայն ԱՄՆ-ն կվերացնի ծովային շրջափակումը, իսկ Իրանը կվերականգնի նավագնացությունը Հորմուզի նեղուցում։

Բացի այդ, Իրանը ստանձնում է միջուկային զենք չստանալու պարտավորություն, իսկ իրանական միջուկային ծրագրի խնդիրը պետք է կարգավորվի առանձին համաձայնագրով։ Այս ուղղությամբ կողմերը բանակցություններ կվարեն 60 օրվա ընթացքում։ Թեհրանի համար այս գործընթացի արդյունքը պետք է դառնա հակաիրանական պատժամիջոցների չեղարկումը։