«Եթե սահմանազատում լիներ, կիմանային՝ արդյո՞ք Ադրբեջանը հարձակվել է Հայաստանի տարածքների վրա». Գալուզին

ՌԴ ԱԳՆ փոխնախարար Միխայիլ Գալուզինը մեկնաբանել է լրագրողի դիտարկումը, որում ասվում է․ «2021թ․ մայիսին և 2022թ․ սեպտեմբերին, երբ հարձակումներից տուժեցին հայկական Վարդենիս և Ջերմուկ քաղաքները, արձանագրվել է, որ ադրբեջանական կողմից են հարվածներն եղել, ու հենց՝ Հայաստանի տարածքում»։

Փոխնախարարը պատասխանել է. «Եթե կողմերը ի սկզբանե իրականացնեին այն, ինչ պայմանավորվել են 2020թ․ նոյեմբերին, այն է՝ սահմանների սահմանազատում և սահմանագծում, այդ ժամանակ պարզ կլիներ, թե ով որտեղ է հարվածել, ով ինչ և ինչպես է գրավել։ Ինչ վերաբերում է ՀԱՊԿ-ին, ապա ՀԱՊԿ անդամները, հավատարիմ լինելով իրենց դաշնակցային պարտավորություններին, լիովին պատրաստ էին դիտորդական առաքելություն ուղարկել Հայաստան, որը, տեղակայման դեպքում, հայ-ադրբեջանական կարգավորման համատեքստում շատ ավելի լուրջ կայունացնող գործոն կծառայեր, քան Երևանի կողմից իր տարածք հրավիրված, այսպես կոչված, Եվրամիության դիտորդական առաքելությունը, որը, մեր հավաստի տվյալներով, զբաղվում է միայն հետախուզական գործունեությամբ», - հայտարարել է Գալուզինը։