«Մենք իսկապես ցավում ենք, որ խաղաղ բնակչության մեծ մասը որոշեց հեռանալ». Հաջիև

Ադրբեջանի նախագահի օգնական Հիքմեթ Հաջիևը բրիտանական BBC-ին տված հարցազրույցում մեկնաբանել է Լեռնային Ղարաբաղում տեղի ունեցող իրավիճակը․

«Մենք իսկապես ցավում ենք, որ խաղաղ բնակչության մեծ մասը որոշեց հեռանալ։ Իհարկե, այս դեպքում մենք հարգում ենք ընտրության ազատությունը և տեղաշարժի ազատությունը»,- ասել է Հաջիևը։ 

Հարցին՝ արդյո՞ք սա 30-ամյա հակամարտության ինչ–որ ավարտ է, Հաջիևն այսպես է արձագանքել. «Մենք հույս ունենք, որ դա այդպես է։ Մենք վերջապես հասել ենք 200-ամյա հակամարտության վերջնական ավարտին։ Ադրբեջանը խաղաղություն է ուզում»։

Հիշեցնենք` Ադրբեջանը սեպտեմբերի 19–ին լայնամասշտաբ հարձակում սկսեց Արցախի դեմ։ Ադրբեջանական ագրեսիայի հետևանքով Արցախը մեկ օրում առնվազն 200 զոհ և ավելի քան 400 վիրավոր տվեց։