Գրիգորի Խաչատուրովի կալանքի ժամկետը երկարացվեց

Հակակոռուպցիոն դատարանի որոշմամբ` երրորդ բանակային կորպուսի նախկին հրամանատար, գեներալ–մայոր Գրիգորի Խաչատուրովի կալանքի ժամկետը երկարացվեց ևս երկու ամսով։ Այս մասին հայտնում է «Դատական իշխանություն» Telegram-ի ալիքը։

Նշվում է, որ հաջորդ դատական նիստը տեղի կունենա հոկտեմբերի 18-ին, ժամը՝ 15։00-ին։

Հիշեցնենք` փետրվարի 21-ին Գրիգորի Խաչատուրովի նկատմամբ հանրային քրեական հետապնդում հարուցվեց պաշտոնեական դիրքի օգտագործմամբ հանցավոր ճանապարհով ձեռք բերված առանձնապես խոշոր չափերով անշարժ գույքն օրինականացնելու (փողերի լվացման) համար։ Նա ձերբակալվեց։