«Եթե ԼՂ-ում ընդհանուր պայմանավորվածությունն ու ըմբռնումը պահեին, այդպես չէր լինի». Նիկոլ Փաշինյան

Վարչապետ Նիկոլ Փաշինյանն անդրադարձել է ԼՂ կարգավիճակի նշաձողի իջեցման մասին իր՝ ավելի վաղ արած հայտարարություններին․

«Մենք նշաձողը ցածրացրինք, փորձեցինք ցածրացնել, ընդ որում՝ մի գաղտնիք բացեմ՝ ԼՂ գործընկերների հետ համաձայնեցված։ Բայց փոխարենն ինչ տեղի ունեցավ․ մենք ցածրացրինք, ԼՂ-ն բարձրացրեց։ Այստեղ է պրոբլեմը»,- ասել է նա՝ հավելելով, որ ԼՂ-ն դա արել է հայաստանյան ընդդիմության քաջալերմամբ․

«Եթե նրանք մեր ընդհանուր պայմանավորվածությունն ու ըմբռնումը պահեին, այդպես չէր լինի»,- նշել է վարչապետը՝ հավելելով․ «Մենք ասել էինք, որ միջազգային հանրությունը կոնսոլիդացիա կապահովի։ Այո, միջազգային հանրությունը Սոֆիայում, ըստ էության, միջազգային մեխանիզմի շրջանակներում հանդիպում էր առաջարկել ԼՂ-ին։ Ինչո՞ւ չգնացին, որովհետև ԼՂ-ին արգելեցին գնալ։ Ո՞վ արգելեց։ Այ դա ոչ մեկը չգիտի»։