Այսօր նախատեսվում է Արցախի և Ադրբեջանի ներկայացուցիչների միջև հերթական հանդիպումը
Այսօր Արցախի ու Բաքվի ներկայացուցիչների միջև հերթական հանդիպումն է տեղի ունենալու։ Այս մասին հայտնում են ադրբեջանական լրատվամիջոցները:
Մանրամասներ դեռ հայտնի չեն, Արցախի իշխանությունները չեն մեկնաբանել այս լուրը։
Ադրբեջանական լրատվամիջոցները հայտնում են, որ հանդիպումը նախատեսվում է Ստեփանակերտում։
Նշվում է նաև, որ Ադրբեջանի փոխվարչապետ Շահին Մուստաֆաևն այցելելու է Ստեփանակերտ՝ տեղում իրավիճակին ծանոթանալու։ Հիշեցնենք, որ նրան Ադրբեջանի նախագահ Իլհամ Ալիևը նշանակել է Արցախի հարցով աշխատանքային խմբի ղեկավար։ Սա Ստեփանակերտի և Բաքվի ներկայացուցիչների արդեն 4-րդ նման հանդիպումը կլինի։
Հավելենք՝ սեպտեմբերի 19-ին Արցախի վրա ադրբեջանական ագրեսիայից հետո առաջին հանդիպումը Բաքվի ու Ստեփանակերտի միջև տեղի էր ունեցել սեպտեմբերի 21-ին Եվլախում, երկրորդը՝ սեպտեմբերի 25-ին՝ Իվանյանում, երրորդ հանդիպումը տեղի էր ունեցել սեպտեմբերին 29-ին՝ դարձյալ Եվլախում։
