Եվլախում ավարտվել է Արցախի և Ադրբեջանի պատվիրակությունների հանդիպումը
Եվլախում ավարտվել է Արցախի և Ադրբեջանի ներկայացուցիչների հանդիպումը, որին արցախյան կողմը ներկայացրել են Արցախի ԱԺ «Արցախի ժողովրդավարական կուսակցություն» խմբակցության պատգամավոր Դավիթ Մելքումյանը, ռուսական խաղաղապահ զորախմբի հետ համագործակցության ապահովման կենտրոնի տնօրեն Սերգեյ Մարտիրոսյանը։
Ադրբեջանական կողմը ներկայացրել է ծնունդով Մարտակերտից պատգամավոր Ռամին Մամեդովը, որին Ադրբեջանի նախագահը նշանակել էր Արցախի հայ բնակիչների հետ շփումների գծով պատասխանատու:
Հանդիպմանը քննարկվել են հայ բնակչության վերաինտեգրման, ենթակառուցվածքների վերականգնման և գործունեության կազմակերպման հարցեր։
Նշենք, որ սեպտեմբերի 19-ին Արդրբեջանի կողմից Արցախի նկատմամբ զանգվածային հարձակումից հետո կնքված հրադադարից ի վեր սա Բաքվի և Ստեփանակերտի ներկայացուցիչների երրորդ հանդիպումն է:
