«Չեմ կարող հաստատել, որ մեզ նախապես ծանուցել են». Պեսկով
ՌԴ նախագահի մամուլի քարտուղար Դմիտրի Պեսկովը մեկնաբանել է Ադրբեջանի հաղորդագրությունները, թե Ռուսաստանի իշխանությունները «նախապես տեղեկացված են եղել Լեռնային Ղարաբաղում ռազմական գործողության մեկնարկի մասին», գրում է «Մոսկովսկի կոմսոմոլեցը»։
«Չեմ կարող հաստատել, որ մեզ նախապես ծանուցել են»,- ասաց նա։
Պեսկովը հիշեցրել է, որ ռուսական կողմի ջանքերով նախօրեին ապաշրջափակվել է Լաչինի միջանցքը. նախօրեին մարդասիրական բեռների առաջին առաքումները երկու ուղղություններով են գնացել։ Սակայն հետո սկսվեցին ռազմական գործողությունները, և ապրանքների մատակարարումը դադարեցվեց։
