Ընտրությունների այս աննախադեպ ցածր տոկոսը շուտով կհայտարարեն որպես ժողովրդավարության բարձր մակարդակ. Ղարամյան
Արցախի ԱԽ նախկին քարտուղար Արշավիր Ղարամյանը անդրադարձել է Երևանի ՏԻՄ ընտրություններին․
«Երևանում ավագանու ընտրություններին ընտրողների մասնակցության աննախադեպ ցածր տոկոսով պայմանավորված մարդամեկը շուտով կհայտարարի, որպես ձեռքբերում և այն պայմանավորված է ՀՀ-ում ժողովրդավարության աննախադեպ «բարձր» մակարդակով...»,– գրել է նա:
Հիշեցնենք, որ ԿԸՀ նախագահ Վահագն Հովակիմյանը հրապարակել է քվեարկությանը մասնակցած ընտրողների թիվը: Ըստ այդ տվյալների՝ 824.250 ընտրողներից քվեարկությանը մասնակցել է 234.553 ընտրող կամ ընտրողների 28.46%-ը:
«Սա Երևանի մասնակցության ամենացածր ցուցանիշն է։ Չեմ հիշում նման ցածր ցուցանիշ»,– ասել է Հովակիմյանը:
Նշենք, որ 2018 թվականի Երևանի ավագանու ընտրություններին մասնակցել էր ընտրողների 43.65 տոկոսը՝ 370.323 մարդ:
