![Արցախի ՊՆ-ն հայտարարություն է տարածել](https://auroranews.am/storage/img/base_image/old/ac27bd5338ebc21bc3576e2f3bfbbda2.webp)
Արցախի ՊՆ-ն հայտարարություն է տարածել
![Արցախի ՊՆ-ն հայտարարություն է տարածել](https://auroranews.am/storage/img/base_image/old/ac27bd5338ebc21bc3576e2f3bfbbda2.webp)
Արցախի պաշտպանության նախարարությունը տարածել է հաղորդագրություններ, որոնք ներկայացնում ենք ստորև.
«Կապված Ադրբեջանի ԶՈւ կողմից իրականացվող տեղաշարժերի և կուտակումների հետ` Արցախի Հանրապետության բնակչության շրջանում նկատվում են որոշակի տագնապային տրամադրություններ։
Այդ առնչությամբ տեղեկացնում ենք, որ Արցախի Հանրապետության ՊԲ֊ն իրականացնում է իրավիճակի շուրջօրյա մշտադիտարկում և որևէ էական զարգացման դեպքում անհապաղ իրազեկում է հանրությանը։
Ներկայումս ձևավորված իրավիճակում չստուգված տեղեկությունների տարածումը որևէ կերպ չի նպաստում մեր երկրի պաշտպանունակությանը։ Անհրաժեշտ է նաև նկատի ունենալ, որ խուճապային տրամադրությունների ձևավորման հարցում նախևառաջ շահագրգռված են թշնամական հատուկ ծառայությունները։
Հորդորում ենք հետևել պաշտոնական լրահոսին»,- նշվում է հաղորդագրության մեջ։
Արցախի ՊՆ-ն անդրադարձել է նաև ադրբեջանական կողմի տարածած հերթական ապատեղեկատվությանը.
«Ադրբեջանի ՊՆ տարածած հաղորդագրությունն այն մասին, թե իբր ՊԲ ստորաբաժանումները սեպտեմբերի 16-ին ` ժամը 22:55-ից ժամը 23։45-ն ընկած ժամանակահատվածում ամրաշինական աշխատանքներ են կատարել Ասկերանի շրջանում, որոնք իբր թե կասեցվել են ադրբեջանական ստորաբաժանումների գործողությունների արդյունքում` Արցաշհերթական ապատեղեկատվությունն է»։