Երևանի Խաղաղ Դոնի փողոցում 21–ամյա երիտասարդը դանակահարել է 15 և 16 տարեկան պատանիների. ՆԳՆ

Երևանի Խաղաղ Դոնի փողոցում 21–ամյա երիտասարդը դանակահարել է 15 և 16 տարեկան պատանիների։ Տեղեկությունը հայտնում է ՀՀ ՆԳՆ ոստիկանության մամուլի ծառայությունը։

«Սեպտեմբերի 15-ին` ժամը 22.30-ին, հիվանդանոցից ոստիկանության Էրեբունու բաժին ստացվել է հաղորդում, որ «կրծքավանդակի կտրած-ծակած վերքեր» ախտորոշմամբ բուժօգնության է դիմել 16-ամյա մի պատանի»,– նշված է հաղորդագրության մեջ։

Բաժնի քրեական հետախույզների պարզել են, որ ահազանգից կես ժամ առաջ Խաղաղ Դոնի փողոցում վիճաբանություն է ծագել երկու պատանու և 21-ամյա մի երիտասարդի միջև, նա էլ սուր կտրող-ծակող գործիքով հարվածներ է հասցրել 15-ամյա տղայի ազդրին ու հիվանդանոց տեղափոխված պատանու մարմնին։

Ահազանգից երեք ժամ անց, հետագա միջոցառումների արդյունքում, 21-ամյա երիտասարդը Խաղաղ Դոնի փողոցում հայտնաբերվել է, ձերբակալվել ու տեղափոխվել ոստիկանության Էրեբունու բաժին:

Նախաձեռնվել է քրեական վարույթ, հանգամանքները պարզվում են: