«Ռոսավիացիայի» ղեկավար Ալեքսանդր Ներադկոն պաշտոնանկ կարվի
Առաջիկա օրերին Ռուսաստանի օդային տրանսպորտի դաշնային գործակալության («Ռոսավիացիա») ղեկավար Ալեքսանդր Ներադկոն կազատվի աշխատանքից: Известия–ին այս մասին հայտնել են ավիաընկերություններից մեկը և հաստատել տրանսպորտի նախարարության երկու բարձրաստիճան աղբյուրներ։ Ըստ հրապարակման՝ որոշումն ընդունվել է կառավարության մակարդակով։
Լրատվամիջոցի զրուցակիցներից մեկի խոսքով՝ հրաժարականը կարող է տեղի ունենալ ուրբաթ՝ սեպտեմբերի 15-ին։
Ներադկոյին փոխարինելու թեկնածուներն են նրա տեղակալ Վլադիմիր Պոտեշկինը և Միջպետական ավիացիոն կոմիտեի (ՄԱԿ) ներկայիս ղեկավար, Օդային տրանսպորտի դաշնային գործակալության ղեկավարի նախկին տեղակալ Օլեգ Ստորչևոյը: Այս ցուցակում կարող են լինել նաև այլ թեկնածուներ։
Ալեքսանդր Ներադկոն օդային տրանսպորտի դաշնային գործակալությունը ղեկավարում է 2009 թվականից։ Ինչպես գրում է Известия-ն, անցյալ տարվա մայիսին Ներադկոն նկատողություն էր ստացել կառավարությունից՝ իր ծառայողական պարտականությունները ոչ պատշաճ կատարելու համար։ Տրանսպորտի նախարարությանը մոտ կանգնած աղբյուրի փոխանցմամբ՝ գործակալության ղեկավարին նկատողությունը տրվել է տրանսպորտի նախարար Վիտալի Սավելևի և նախարարների կաբինետի հանձնարարականները համակարգված չկատարելու պատճառով։
