Ուկրաինայի հետախուզությունը հայտարարել է Սևաստոպոլում ռուսական նավերի և սուզանավի ոչնչացման մասին

«Վերականգնման ենթական չէ»: Ուկրաինայի հետախուզությունը հայտարարել է Սևաստոպոլում ռուսական նավերի և սուզանավի ոչնչացման մասին: Տեղեկությունը հաղորդում է BBC-ին` հղում անելով Ուկրաինայի ՊՆ գլխավոր հետախուզական վարչության պաշտոնական ներկայացուցիչ Անդրեյ Յուսովին: 

Ըստ մոնիտորինգի տվյալների`  հրթիռային հարձակման հետևանքով զգալիորեն վնասվել են «Մինսկ» խոշոր դեսանտային նավը և «Դոնի Ռոստով» սուզանավը:

«Սա զգալի վնաս է, և մենք այժմ կարող ենք ասել, որ մեծ հավանականությամբ այն չի կարող վերականգնվել», - ասել է Յուսովը ուկրաինական հեռուստատեսության եթերում:

Հիշեցնենք, որ սեպտեմբերի լույս 13-ի գիշերը Ուկրաինայի զինված ուժերը հարված են հասցրել Սևաստոպոլում գտնվող նավավերանորոգման գործարանին։

Հավելենք, որ այսօր ռազմածովային անօդաչու սարքերը կրկին գրոհել են ռուսական ռազմանավը: Հինգ անօդաչու նավակ փորձել են գրոհել Սևծովյան նավատորմի «Սերգեյ Կոտով» պարեկային նավի վրա, սակայն ոչնչացվել են: 

Թելեգրամյան ալիքներում հրապարակվել է Սևաստոպոլում  խոցված «Մինսկ» դեսանտային նավի լուսանկարը: 

[b36418536c3b59904d7bea511c907bee.jpg]