Մինչ այս պահը Ադրբեջանը դեռևս չի արձագանքել խաղաղության պայմանագրի վերաբերյալ ՀՀ-ի նոր առաջարկներին

Ադրբեջանական կողմը դեռևս չի արձագանքել խաղաղության պայմանագրի վերաբերյալ հայկական կողմի առաջարկներին:

«Իմ տեղեկություններով` մինչ այս պահը Ադրբեջանը դեռևս չի արձագանքել»,- ԱԺ-ում լրագրողների հետ զրույցում ասաց Արտաքին հարաբերությունների հանձնաժողովի նախագահ Սարգիս Խանդանյանը:

Հարցին` առաջիկայում միջնորդ կողմերից առաջարկա կա՞ Հայաստանի ու Ադրբեջանի ղեկավարների հանդիպման` նա ասաց, թե այս պահին որևէ հստակ  պայմանավորվածություն չկա:

Հիշեցնենք` օգոստոսի  24-ին վարչապետ Նիկոլ Փաշինյանը հայտարարել էր, որ ադրբեջանական կողմին են փոխանցել Հայաստանի և Ադրբեջանի միջև խաղաղության պայմանագրի  նոր առաջարկները: