Ողբերգական դեպք Տավուշի մարզում. վրաերթի են ենթարկվել վթարված մեքենայի վարորդն ու նրան օգնության եկած ընկերը. կա զոհ

Այսօր մահվան ելքով վրաերթ է տեղի ունեցել Տավուշի մարզում: Ժամը 20:10-ի սահմաններում Տավուշի մարզի բնակիչ 30-ամյա Տարոն Մ.-ն իր վարած Opel մակնիշի ավտոմեքենայով Հաղթանակ և Զորական գյուղամիջյան ճանապարհին վրաերթի  է ենթարկել հետիոտներ, Տավուշի մարզի բնակիչներ 32-ամյա Հմայակ Ա.-ին և 22-ամյա Լևոն Չ.-ին: Այս մասին հայտնում է Shamshyan.com–ը:

Նշվում է, որ դեպքի փաստով Նոյեմբերյանի քննչական բաժնում նախաձեռնվել է քրեական վարույթ:

Վարորդը տեղում ենթարկվել է սթափության փորձաքննության, եղել է սթափ:

Կայքի տեղեկություններով՝ դեպքի վայրում, մինչև վրաերթը, վթարված է եղել վրաերթի ենթարկվածներից մեկի «06»-ը և մյուսը իր «06»-ով եկել է ընկերոջն օգնելու, ինչից հետո վրաերթի են ենթարկվել, ինչն էլ դարձել է մեկի մահվան պատճառ: