Կրեմլը հաստատում է. Կիմ Չեն Ընը Ռուսաստան կայցելի Պուտինի հրավերով
Հյուսիսային Կորեայի առաջնորդ Կիմ Չեն Ընը մոտ օրերս կայցելի Ռուսաստան՝ ՌԴ նախագահ Վլադիմիր Պուտինի հրավերով, հայտնում է Կրեմլը։ Ավելի վաղ նախագահի մամուլի ծառայությունը հերքել էր նման այցի նախապատրաստման մասին տեղեկությունը։
«ՌԴ նախագահ Վլադիմիր Պուտինի հրավերով ԿԺԴՀ-ի պետական գործերի նախագահ Կիմ Չեն Ընը մոտ օրերս պաշտոնական այցով կմեկնի Ռուսաստանի Դաշնություն»,- ասվում է հայտարարության մեջ:
Ավելի վաղ The New York Times-ը գրել է, որ ԿԺԴՀ ղեկավարն առաջիկա օրերին կայցելի Հեռավոր Արևելք՝ վկայակոչելով աղբյուրներ։ Հաղորդվում էր՝ Կիմ Չեն Ընը կհանդիպի Վլադիմիր Պուտինի հետ, իսկ Հարավկորեական YTN հեռուստաալիքը հայտնել է, որ հանդիպումը կարող է կայանալ սեպտեմբերի 13-ին:
