Գերմանիայի ԱԳ նախարարը չհայտարարված այցով ժամանել է Կիև
Գերմանիայի արտաքին գործերի նախարար Անալենա Բաերբոքը սեպտեմբերի 11-ի առավոտյան չհայտարարված այցով ժամանել է Ուկրաինայի մայրաքաղաք Կիև։ Գերմանիայի արտգործնախարարի այցի մասին չի հայտարարվել անվտանգության նկատառումներից ելնելով։
Սա գերմանացի նախարարի չորրորդ այցն է Ուկրաինա վերջին մեկուկես տարվա ընթացքում։ Նա Լեհաստանից գնացքով հասել է Կիև: Գերմանիայի ԱԳՆ ղեկավարին կայարանում դիմավորել է Գերմանիայի դեսպան Մարտին Յագերը:
Ժամանելուց հետո Բերբոքը հայտարարել է Ուկրաինային «տնտեսական, հումանիտար և ռազմական առումներով» հետագա աջակցություն ցուցաբերելու մտադրության մասին։ Նա նաև հիշեցրել է Կիևին կոռուպցիայի դեմ պայքարին ուղղված բարեփոխումների կարևորության մասին։
