Ադրբեջանը Հայաստանից Ալիևի հետ հրատապ բանակցությունների առաջարկ չի ստացել. Հաջիև
Ադրբեջանը Հայաստանի կառավարությունից Իլհամ Ալիևի հետ հրատապ բանակցություններ վարելու առաջարկ չի ստացել։ Այս մասին Reuters-ին տված հարցազրույցում ասել է Ադրբեջանի նախագահի օգնական Հիքմեթ Հաջիևը։
Ավելի վաղ ՀՀ վարչապետ Նիկոլ Փաշինյանը մի շարք երկրների առաջնորդների հետ հեռախոսազրույցների ժամանակ հայտարարել էր, որ պատրաստ է լարվածությունը նվազեցնելուն միտված հրատապ քննարկումներ ունենալ Ադրբեջանի նախագահի հետ:
Հիշեցնենք, որ Նիկոլ Փաշինյանը ավելի վաղ հեռախոսազրույց էր ունեցել ԱՄՆ պետքարտուղար Էնթոնի Բլինքենի, Ֆրանսիայի նախագահ Էմանուել Մակրոնի, Գերմանիայի կանցլեր ՕլաՖ Շոլցի, Իրանի նախագահ Էբրահիմ Ռայիսիի հետ:
