Բայրամովը կրկին մեղադրել է Հայաստանին. հանդիպում՝ ՌԴ հատուկ ներկայացուցչի հետ
Ադրբեջանի ԱԳՆ ղեկավար Ջեյհուն Բայրամովը այսօր՝ սեպտեմբերի 7-ին, հանդիպել է հայ-ադրբեջանական հարաբերությունների կարգավորման հարցերով ՌԴ հատուկ ներկայացուցիչ Իգոր Խովաևի հետ:
Կողմերը քննարկել են իրավիճակը Հարավային Կովկասում, Երևանի և Բաքվի միջև հարաբերությունների կարգավորման գործընթացը:
Բայրամովն ասել է, թե «Երևանի հայտարարությունները, հռետորաբանությունը և սադրանքները խաթարում են կայուն խաղաղությունը տարածաշրջանում»:
Հանդիպման ընթացքում մտքեր են փոխանակվել նաև փոխադարձ հետաքրքրություն ներկայացնող այլ հարցերի շուրջ։
