ԼՈՒՍԱՆԿԱՐՆԵՐ․ Օբամայի կրտսեր դուստրը` լողազգեստով և ծխախոտը ձեռքին, պապարացիների ուշադրության կենտրոնում է
ԱՄՆ նախկին նախագահ Բարաք Օբամայի կրտսեր դուստրը՝ Սաշա Օբաման, հայտնվել է պապարացիների ֆոտոօբյեկտիվների թիրախում: 22-ամյա աղջկան լուսանկարել են փողոցում՝ լողազգեստով և ծխախոտը ձեռքին: Այս մասին գրում է Daily Mail-ը։
Նշվում է, որ Հարավային Կալիֆոռնիայի համալսարանի շրջանավարտը եղել է ընկերների հետ և մասնակցել է Լոս Անջելեսում Աշխատանքի օրվան նվիրված միջոցառմանը:
Պարբերականը նկատում է, որ սա, անշուշտ, առաջին անգամը չէ, որ պապարացիները Սաշային լուսանկարում են ծխելիս: Հավանաբար, նա վնասակար սովորությունը փոխառել է հորից, որը նախկինում խոստովանել էր, որ դեռահասության ժամանակ սկսել է ծխել և օրական մինչև 10 գլանակ է օգտագործել:
