Սոթքի միջադեպը ցույց տվեց ՀՀ-ում տեղակայված ԵՄ դիտորդների աշխատանքի ցածր արդյունավետությունը. Զախարովա

ՌԴ ԱԳՆ պաշտոնական ներկայացուցիչ Մարիա Զախարովան, անդրադառնալով Սոթքի ուղղությամբ Ադրբեջանի վերջին ագրեսիային, կողմերին կոչ է արել զերծ մնալ այնպիսի գործողություններից, որոնք կարող են հանգեցնել լարվածության նոր սրացման և զոհերի։

«Տվյալ ողբերգական միջադեպը ևս մեկ անգամ ցույց տվեց Հայաստանում տեղակայված եվրոպական դիտորդների աշխատանքի ցածր արդյունավետությունը: Պահանջված ենք համարում պարբերական, ակտիվ աշխատանք իրականացնել հայ-ադրբեջանական սահմանի սահմանազատման և սահմանագծման ուղղությամբ՝ ռուսական խորհրդատվական աջակցությամբ՝ միաժամանակ վստահության ամրապնդման միջոցների ձեռնարկմամբ»,- նշել է Զախարովան։

Նրա խոսքով՝ Մոսկվան հանդես է գալիս սահմանին ՀԱՊԿ-ի առաքելության տեղակայման օգտին․ կազմակերպության մյուս անդամները պատրաստակամություն են հայտնել այդ կապակցությամբ։ 

«Գնդակը Երևանի դաշտում է»,- հավելել է ՌԴ ԱԳՆ խոսնակը։