ՏԵՍԱՆՅՈՒԹ․ Էքսկավատորով քանդում են Ծիծեռնակաբերդի հուշահամալիր տանող ճեմուղիները․ ի՞նչ է կատարվում տեղում

Այսօր առավոտյան ֆեյսբուքյան օգտատեր Արթուր Չախոյանը հայտնել է, որ քաղաքապետերանը որոշել է քանդել Ծիծեռնակաբերդի հուշահամալիր տանող այգու ճեմուղիները, որոնք սալաքարեր են և տեղում ասֆալտ անել: 

Տեղում գտնվող քաղաքացիները հայտնում են, որ դրանք վնասված չեն, որևէ խնդիր չկա, և չեն հասկանում, թե ինչու են սկսել քանդել, այն էլ այսպես անխնա, ամեն ինչ ջարդուփուր անելով: 

Քաղաքապետերանի ներկայացուցիչը ներկա պահին գտնվում է Ծիծեռնակաբերդի հուշահամալիր տանող ճեմուղում և փորձում է բացատրել, թե ինչ աշխատանքներ են։ Նրա խոսքով, օրինակ, շտապ օգնության կամ հրշեջ մեքենաները չեն կարողանում բարձրանալ: 

Նշենք, որ ճեմուղին հետիոտնի համար նախատեսված ճանապարհ է, որն, ի սկզբանե սարքված է այն նպատակով, որ մարդիկ բարձունքով քայլելով հասնեն հուշահամալիր: Իսկ դեպի հուշահամալիր մի քանի ճանապարհ կա, որոնք բավական բարեկարգ վիճակում են: