Զելենսկու գրասենյակում քննադատել են Հռոմի պապի խոսքերը
Իտալական Corriere della Sera թերթին տված հարցազրույցում Ուկրաինայի նախագահի աշխատակազմի ղեկավարի խորհրդական Միխայլո Պոդոլյակը կարծիք է հայտնել, որ Հռոմի պապ Ֆրանցիսկոսը դարձել է «ռուսական քարոզչության գործիք» և աջակցել է «ռուսական աշխարհին»։
Պոդոլյակի խոսքով՝ Պապի ելույթը «կործանարար է ժամանակակից հումանիզմի համար» և խրախուսում է իմպերիալիզմը։
Ուրբաթ օրը՝ օգոստոսի 25-ին, Սանկտ Պետերբուրգում կայանալիք կաթոլիկ երիտասարդության համառուսաստանյան ժողովի շրջանակներում Հռոմի պապ Ֆրանցիսկոսը ելույթ ունեցավ տեսահոլովակի միջոցով։ Պոնտիֆիկոսը ռուս երիտասարդներին անվանել է մեծ Ռուսաստանի՝ «մեծ մշակույթի և մեծ մարդասիրության երկիր» ժառանգորդներ և հորդորել նրանց չմոռանալ այս ժառանգության մասին և չլքել այն։ Պոնտիֆիկոսի հայտարարությունները արժանացել են Ուկրաինայի իշխանությունների և Ուկրաինայի հունական կաթոլիկ եկեղեցու քննադատությանը:
