25-ամյա տղամարդը ձեռքերով հարվածներ է հասցրել մատուցողուհու դեմքին․ հնչել են կրակոցներ
Ոստիկանության Արարատի մարզային վարչության քրեական հետախույզները, համագործակցելով Արտաշատի բաժնի ծառայողների հետ, օգոստոսի 29-ին ոստացել են տեղեկություն, որ նախորդ օրը, ուշ երեկոյան, Մրգավետ գյուղում գտնվող գարեջրատանը վիճաբանություն է ծագել մատուցողուհու և 25-ամյա տղամարդ հաճախորդի միջև: Վերջինս ձեռքերով հարվածներ է հասցրել մատուցողուհու դեմքին: Այս մասին հայտնում են ՀՀ ոստիկանությունից։
Նշվում է, որ վիճաբանությունը շարունակվել է դրսում: Այդ ընթացքում գարեջրատան հարևանությամբ բնակվող 45-ամյա տղամարդը, վիճաբանության մասնակիցներին հանդարտեցնելու նպատակով, իր անվամբ հաշվառված որսորդական հրացանով կրակոցներ է արձակել:
Բացատրական աշխատանքի շնորհիվ հաճախորդն ու հարևանը ներկայացել են բաժին: Հարևանը հետը բերել է նաև հրացանը:
Երկուսն էլ ներկայացվել են Արարատի մարզային քննչական վարչություն: Հանգամանքները պարզվում են:
