ՏԵՍԱՆՅՈՒԹ․ Իրանում նավթամուղ է պայթել․ երկու մարդ է զոհվել
Իրանում նավթամուղ է պայթել, որի հետևանքով առնվազն երկու մարդ է զոհվել։ Այս մասին հայտնում է ՏԱՍՍ-ը՝ հղում կատարելով YJC գործակալությունը՝ վկայակոչելով տեղի մարզպետին։
Նրա խոսքով՝ միջադեպը տեղի է ունեցել Հորմոզգանի շրջանի հարավ-արևմուտքում գտնվող Բանդար-Խեմիր քաղաքում։ Երկու ներխուժող փորձել են անցք բացել նավթամուղում՝ վառելիք հափշտակելու նպատակով։ Մաքսանենգների գործողությունների արդյունքում էլ տեղի է ունեցել պայթյունը։
Նշվում է, որ հրշեջները փորձում են մեկուսացնել հրդեհը:
