Ամենահավանական վարկածն այն է, որ Պրիգոժինի հետ աղետը բեմադրել է Ռուսաստանի ԱԴԾ-ն․ BBC
Պրիգոժինի հետ աղետը բեմադրել է Ռուսաստանի Անվտանգության դաշնային ծառայությունը։ Այս մասին BBC-ի անվտանգության թղթակից Ֆրենկ Գարդների հետ զրույցում ասել են բրիտանական ռազմական աղբյուրները։
«Նրանք ամենահավանական վարկածն են համարում, որ Պրիգոժինի հետ աղետը բեմադրել է Ռուսաստանի Անվտանգության դաշնային ծառայությունը։ Նրանք լիովին հավատարիմ են Պուտինին և միևնույն ժամանակ սահմանային ծառայությունը ենթարկվում է նրանց»,- նշում են աղբյուրները։
Ինչպես հայտնում է կայքը, նրանց կարծիքով, սրա նպատակը, հավանաբար, պաշտպանության նախարար Սերգեյ Շոյգուի և Գլխավոր շտաբի պետ Վալերի Գերասիմովի դիրքերի ամրապնդումն էր, և այդ նպատակը կարճաժամկետ հեռանկարում իրականացավ։
Հավելենք նաև, որ հետաքննությունը դիտարկում է պայթուցիկ սարքի վարկածը։ Այս մասին գրում է Shot-ը, որի աղբյուրը պնդում է, որ պայթյունի վարկածն այժմ «ստուգվում է»:
Հիշեցնենք, որ «Վագների» հիմնադիր Եվգենի Պրիգոժինին պատկանող բիզնես-ջեթը կործանվել է Տվերի մարզի Կուժենկինո գյուղի մոտակայքում օգոստոսի 23-ի երեկոյան։ Այն ուղևորվում էր Մոսկվայից Սանկտ Պետերբուրգ։ Ինչպես գրում են ռուսական լրատվամիջցները, քննվում են ինքնաթիռի կործանման տարբեր վարկածներ, այդ թվում՝ «արտաքին ներգործության»
