ՏԵՍԱՆՅՈՒԹ. Բայդենը Կորեայի նախագահի հետ ասուլիսում մոռացել է՝ ում փոխանցել խոսքը

ԱՄՆ նախագահ Ջո Բայդենը չի հիշել, թե ում փոխանցել խոսքը՝ Ճապոնիայի և Հարավային Կորեայի առաջնորդների հետ հանդիպմանը հաջորդած մամուլի ասուլիսում: 

Երբ ամերիկացի նախագահին հուշել են գործընկերոջ մասին, Բայդենը կատակել է՝ ասելով, թե օգնեց «Աստծո ձայնը»:

Հիշեցնենք, որ երեք երկրների ղեկավարների հանդիպմանը հաջորդել է համատեղ հայտարարություն, որում նշվում է, որ Վաշինգտոնը, Տոկիոն և Սեուլը պայմանավորվել են նոր պատժամիջոցներ կիրառել Մոսկվայի դեմ:

Նրանք նաև մտադիր են նվազեցնել կախվածությունը ռուսական էներգետիկայից և շարունակել աջակցել Ուկրաինային։ 

Բացի այդ, երկրները պայմանավորվել են ամենամյա համատեղ զորավարժություններ անցկացնել ռազմական համագործակցության ամրապնդման նպատակով։ 

ԱՄՆ-ի, Հարավային Կորեայի և Ճապոնիայի առաջնորդների՝ Ջո Բայդենի, Յուն Սեոկ Յոլի և Ֆումիո Կիշիդայի առաջին գագաթնաժողովն այսօր տեղի է ունեցել Քեմփ Դևիդում։