ՈւՂԻՂ. ՄԱԿ-ի Անվտանգության խորհրդի նիստը՝ Լեռնային Ղարաբաղի հարցով
Նյու Յորքում մեկնարկել է Հայաստանի պահանջով հրավիրված Լեռնային Ղարաբաղում հումանիտար ճգնաժամի հարցով ՄԱԿ անվտանգության խորհրդի արտահերթ նիստը:
Նիստին մասնակցում է ՀՀ արտգործնախարար Արարատ Միրզոյանը:
Հիշեցնենք, որ Հայաստանը դիմել է ՄԱԿ-ի Անվտանգության խորհրդին՝ Ադրբեջանի կողմից Լաչինի միջանցքի շրջափակման և Լեռնային Ղարաբաղում հումանիտար իրավիճակի վատթարացման կապակցությամբ արտակարգ նիստ հրավիրելու խնդրանքով։
Ավելի վաղ Հայաստանի արտաքին գործերի նախարար Արարատ Միրզոյանը համոզմունք է հայտնել, որ ՄԱԿ-ի Անվտանգության խորհուրդը կարող է որոշիչ դերակատարում ստանձնել Լեռնային Ղարաբաղում հումանիտար աղետի կանխարգելման համատեքստում։
