ՌԴ ՊՆ–ն՝ Արցախում իրավիճակի մասին
ԼՂ Ասկերանի շրջանում արձանագրվել է հրադադարի ռեժիմի խախտման դեպք։ Այս մասին հայտնում են ՌԴ պաշտպանության նախարարությունից։
Նշվում է, որ տուժածներ չկան։
«Ռուսական խաղաղապահ զորախմբի հրամանատարությունը ադրբեջանական և հայկական կողմերի հետ հետաքննություն է անցկացնում այս փաստի առնչությամբ։ Պարեկությունն իրականացվել է երեք երթուղիներով՝ Մարտակերտի, Մարտունու շրջաններում և Լաչինի միջանցքում»,– նշվում է ամենօրյա տեղեկագրում:
