ECOWAS-ը պատրաստ է Նիգերում ռազմական միջամտության
ECOWAS-ը պատրաստ է Նիգերում ռազմական միջամտության, եթե դիվանագիտական ջանքերը ձախողվեն: Այս մասին հայտարարել է համայնքի քաղաքական, խաղաղության և անվտանգության հանձնակատար Աբդել-Ֆաթավ Մուսան:
«Թող ոչ ոք չկասկածի, որ եթե մնացած ամեն ինչ ձախողվի, Արևմտյան Աֆրիկայի քաջարի ուժերը պատրաստ են պատասխանել կոչին...: Երկրում առկա բոլոր միջոցներով սահմանադրական կարգը կվերականգնվի»,– ասել է նա։
Ավելի վաղ Նիգերիում իշխող «Հայրենիքի պաշտպանության ազգային խորհրդի» (CNSP) ղեկավար, գեներալ Աբդուրահման Տչիանին «կանաչ լույս» է տվել Արևմտյան Աֆրիկայի երկրների տնտեսական համայնքի (ECOWAS) հետ բանակցություններ սկսելու համար:
Նրա խոսքով՝ Նիգերի նոր ղեկավարությունը «լավատեսորեն» է նայում առաջիկա օրերին տարածաշրջանային դաշինքի ներկայացուցիչների հետ բանակցությունների մեկնարկին:
