«Բելառուսը ՌԴ-ին հուսալի պատնեշ է ապահովում իր տարածքում ՆԱՏՕ-ի զորքերի հարվածից». Վիկտոր Խրենին
Բելառուսի պաշտպանության նախարար Վիկտոր Խրենինը հայտարարել է, որ իր երկիրը Ռուսաստանի Դաշնությանը հուսալի պատնեշ է տրամադրում ՆԱՏՕ-ի զորքերի հարվածների դեմ։ Նման հայտարարությամբ նա հանդես է եկել II միջազգային հակաֆաշիստական կոնգրեսի լիագումար նիստում։ Նրա խոսքերը մեջբերում է BelTA-ն։
«Այսօր մեր եղբայրական Ռուսաստանը, որը հատուկ ռազմական գործողություն է իրականացնում Ուկրաինայում, նեոնացիզմի դեմ պայքարի առաջնագծում է։ Բելառուսը նրան հուսալի պատնեշ է ապահովում իր տարածքում ՆԱՏՕ-ի զորքերի հարվածից։ Այսօր մեզ համար սա ամենակարեւոր ուղղությունն է»,- ասել է Խրենինը։
