Քենեդի կրտսերն ասել է, որ Ուկրաինայի պատճառով ամերիկացիները զրկվել են սննդի կտրոններից
Ուկրաինային օգնության համար ԱՄՆ-ի ծախսերը հասել են 113 միլիարդ դոլարի, մինչդեռ միլիոնավոր ամերիկացիներ զրկվում են սննդի կտրոններից և առողջապահական ապահովագրությունից, ասել է Դեմոկրատական կուսակցության նախագահի թեկնածու Ռոբերտ Քենեդի-կրտսերը: Տեղեկությունը հայտնում է «Ռիա Նովոստին»:
«Մենք մինչ օրս հատկացրել ենք ավելի քան 113 միլիարդ… Ինչպե՞ս կարող ենք դա անել՝ չեղարկելով սննդի կտրոնները 30 միլիոն ամերիկացիների համար և բժշկական ապահովագրությունը 15 միլիոն ամերիկացիների համար», - վրդովված ասել է Քենեդի կրտսերը ամերիկացի հեռուստահաղորդավար Թակեր Կարլսոնին տված հարցազրույցում:
Քենեդին նաև նշել է, որ Ուկրաինան իրականում դարձել է գերտերությունների դիմակայության հարթակ։
Ըստ Ռոբերտ Քենեդի կրտսերի` Ամերիկյան հետախուզական ծառայությունները ֆինանսավորել են Մայդանի ցույցերը 2013-2014 թվականներին 5 միլիարդ դոլարով: ԱՄՆ-ն Ուկրաինայում կենսալաբորատորիաներ է հիմնել՝ Պենտագոնի կենսազենքի ծրագրերի շրջանակներում, որոնց աշխատանքները մեկնարկել են 2001 թվականից հետո։
