Արարատի զորամասում ազատումներ կլինեն. 2 զինծառայողների դեպքերի հետքերով. «Ժողովուրդ»

Օգոստոսի 10-ին ՊՆ Արարատի զորամասի դիրքում կյանքին վերջ տված Ժորա Կարապետյանը և օգոստոսի 11-ին ՊՆ զորամասի մեջ կյանքին վերջ տված Գրանիկ Խնկոյանը նույն զորամասի ժամկետային զինծառայողներ են։ Ըստ նախնական վարկածի, երկու զինվորների՝ կյանքին վերջ տալու դեպքերը կապ չունեն միմյանց հետ։ 
Արարատի զորամասում ազատումներ են սպասվում. պատճառը վերոնշյալ ողբերգական դեպքն է։
Armlur.am-ին մանրամասներ են հայտնի դարձել այն մասին, որ օգոստոսի 11-ին զորամասի ներսում մինչ Գրանիկ Խնկոյանի ինքնասպան լինելը իրադարձություններ են ծավալված եղել։ Կայքը նշում է, որ տիրապետում է միջադեպի ողջ մանրամասներին, սակայն առայժմ չի հրապարակում՝ նախաքննությանը չվնասելու համար։ 

Ըստ «Ժողովուրդ» օրաթերթի՝ նույն զորամասի հրամանատարը, կորպուսի հրամանատարն անգործության են մատնված և չեն տիրապետում զորամասում տիրող իրավիճակին կամ տիրապետել են, սակայն քայլեր չեն ձեռնարկել։ 

Հիշեցնենք, որ օգոստոսի 11-ին դեռևս չպարզված հանգամանքներում հրազենային մահացու վիրավորում է ստացել ՀՀ ՊՆ N զորամասի զինծառայող Գրանիկ Վարդանի Խնկոյանը: 
Դեպքի հանգամանքներն ամբողջովին պարզելու նպատակով կատարվում է քննություն: 
Հիշեցնենք, որ օգոստոսի 10-ին էլ մահացել էր Ժորա Կարանետյանը, կա երկու ձերբակալված։ Զինվորին ծառայակիցներն էին հասցրել այն վիճակին, որ նա վերջ էր տվել կյանքին, իսկ պատճառը եղել էր դիրքում քնելը։