ԱՄՆ-ում վեցամյա տղան ընկել է ատրակցիոնից․ նրա վիճակը ծանր է
ԱՄՆ Ֆլորիդայում վեցամյա տղան ընկել է ատրակցիոնից, նա ծանր վնասվածքներով հոսպիտալացվել է։ Այս մասին հայտնում է Gazeta.ru-ն։
Վեցամյա երեխային ուղեկցորդները ռելսերի տակ գտնվող ուղու վրա են գտել: Ենթադրաբար, տղան շարժվելիս դուրս է ընկել ատրակցիոնից։
Նշվում է, որ տուժածը շտապ հոսպիտալացվել է։ Բժիշկները տղայի մոտ ախտորոշել են բազմաթիվ վնասվածքներ, նրա վիճակը գնահատվում է ծանր։ Մինչև միջադեպի պատճառի պարզումը, ատրակցիոնը փակ է եղել այցելուների համար։
Այգու տնօրինությունը հավաստիացրել է, որ ատրակցիոնը գտնվում է լավ աշխատանքային վիճակում և աշխատում է անվտանգության բոլոր ընթացակարգերին համապատասխան։ Շրջանի ոստիկանությունը հետաքննում է միջադեպը։
