Պայթյուն՝ Ղրիմի ռուսական ավիաբազայի մոտ
Ղրիմի Գվարդեյսկոյե գյուղի մոտ գտնվող ռուսական ավիաբազայի մոտ պայթյուն է որոտացել: Այս մասին հայտնում է «Радио Свобода»-ն։
Մասնավորապես, տեղեկություն է ստացվել Սիմֆերոպոլի շրջանի Գվարդեյսկոյե գյուղի մոտ պայթյունի մասին։ Այնտեղ է գտնվում Գվարդեյսկոյե ավիաբազան։ Օդանավակայանը ենթակա է Ռուսաստանի Դաշնության օդատիեզերական ուժերին:
Ռադիոկայանը հայտնում է, որ այնտեղ տեղակայված է ВКС-ի 37-րդ խառը ավիացիոն գունդը։ Ղրիմի իշխանությունները դեռևս չեն մեկնաբանել միջադեպը։
