ՏԵՍԱՆՅՈՒԹ․ ՌԴ-ում ուժգին հրդեհ է բռնկվել
ՌԴ Մերձմոսկովյան Լյուբերցի «Լերոյ Մերլին» հիպերմարկետի մոտ ուժգին հրդեհ է բռնկվել։ Այս մասին տեղեկանում ենք Readovka թելեգրամյան ալիքից։
Նախնական տվյալներով՝ բռնկված խոշոր հրդեհի պատճառը թթվածնի բալոնների և շինանյութերի բռնկումն է։ Հրդեհը բռնկվել է շինարարական բազայում, որի կողքին կան մի քանի ավտոծառայություններ, որտեղ կրակը կարող է տարածվել։
Նշվում է, որ դեպքի վայրում աշխատում են շտապօգնությունը․ հրդեհը վերահսկվում է։ Տուժածների մասին տեղեկություն դեռ չկա։
