«Պատրոն Դավոն» կրկին կկալանավորվի
ՀՀ վերաքննիչ դատարանը բեկանել է Հակակոռուպցիոն դատարանի՝ Դավիթ Գալստյանին (Պատրո Դավո) գրավի դիմաց ազատ արձակելու որոշումը և վերջինս կրկին կկալանավորվի։ Այս մասին լրատամիջոցներին հայտնել է փաստաբան Արմեն Հարությունյանը։
«Մենք ինքնակամ ներկայացել ենք։ Հիմա թղթաբանության հարցեր կան, որպեսզի դատարանը, քրեակատարողական հիմնարկը ստանան, որ նրան ընդունեն։ Այս պահին էլ մեկուսարանի դիմաց ենք»,– նշել է Հարությունյանը։
Նշենք, որ Դավիթ Գալստյանն անցնում է նաև անպիտան հրթիռներ ձեռք բերելու գործով: Նա այդ գործով տևական ժամանակ կալանավորված էր և ազատ էր արձակվել գրավի դիմաց:
