Բայրամովը հանդիպել է Էրդողանին և Թուրքիայի ԱԳՆ ղեկավարին
Ադրբեջանի արտաքին գործերի նախարար Ջեյհուն Բայրամովն Անկարա կատարած այցի ընթացքում հանդիպել է Թուրքիայի Հանրապետության նախագահ Ռեջեփ Թայիփ Էրդողանին։
Էրդողանն ու Բայրամովը քննարկել են տարածաշրջանում տեղի ունեցող զարգացումները։
Հանդիպմանը մտքերի փոխանակություն է տեղի ունեցել երկրների «երկկողմ և բազմակողմ հարաբերությունների, տարածաշրջանում և աշխարհում տեղի ունեցող իրադարձությունների շուրջ»։
Բայրամովը նաև հանդիպել է Թուրքիայի ԱԳ նախարար Հաքան Ֆիդանի հետ։
Հանդիպմանը քննարկվել են Ադրբեջանի և Թուրքիայի միջև «բազմակողմ, երկկողմ և տարածաշրջանային համագործակցության օրակարգային հարցեր, այդ թվում՝ տարածաշրջանում առկա իրավիճակը»։
Նշելով, որ ««Ադրբեջանի Հանրապետության և Թուրքիայի Հանրապետության միջև դաշնակցային հարաբերությունների մասին Շուշայի հռչակագիրը» նշանավորել է երկրների միջև հարաբերությունների զարգացման պատմության նոր փուլի սկիզբը», Բայրամովը «վստահությամբ ընդգծել է, որ գործնական քայլեր կձեռնարկվեն ապագայում երկու երկրների «կապերն ընդլայնելու համար:
Թուրքիայի արտգործնախարար Հաքան Ֆիդանը նշել է, որ «ջանք չի խնայի» ավելի զարգացնելու երկրների միջև առկա հարաբերությունները, որոնք ունեն «ընդհանուր պատմություն, մշակույթ և արժեքներ»։
