ՏԵՍԱՆՅՈՒԹ․ ՀՀ֊ում դիվանագիտական կորպուսի ներկայացուցիչները Լաչինի միջանցքի մոտ են

ՀՀ֊ում դիվանագիտական կորպուսի ներկայացուցիչները Լաչինի միջանցքի մոտ են։ Այս մասին հայտնում է Armenpress-ը։

Նշենք, որ ավելի վաղ ՀՀ հատուկ հանձնարարություններով դեսպան Էդմոն Մարուքյանը տեղեկացրել էր, որ շատ հնարավոր է՝ օտարերկրյա դեսպանները գնան Կոռնիձոր, որտեղ գտնվում են Արցախ հումանիտար բեռ տեղափոխող 19 բեռնատարները։

Հիշեցնենք, որ հուլիսի 26-ին առաջին անհրաժեշտության շուրջ 400 տոննա ապրանքով բեռնված 19 մեքենա Երևանից ուղևորվել են շրջափակման մեջ գտնվող Արցախ։

Բեռնատարները հասել են Կոռնիձոր և կանգ առել Հակարիի կամրջից մոտ 2 կմ հեռավորության վրա։ Ադրբեջանի կողմից արգելափակված Լաչինի միջանցքով ճանապարհը շարունակելու համար սպասում են ՌԴ խաղաղապահների պատասխանին։ Բեռնատարներում կա շաքարավազ՝ 60 տոննա, ձեթ՝ 40 տոննա, ալյուր՝ 100 տոննա, մակարոնեղեն՝ 80 տոննա, աղ՝ 20 տոննա, կաթի փոշի՝ 40 տոննա, մանկական սնունդ՝ 12 տոննա և 9 տոննա դեղորայք: