ՌԴ-ն պատրաստ է երկխոսության, սակայն Ուկրաինան հրաժարվում է. Պեսկով

Ռուսաստանը բաց է ուկրաինական հակամարտության կարգավորման շուրջ երկխոսության համար, սակայն Կիևը հրաժարվում է այդ հնարավորությունից։Սանկտ Պետերբուրգում Ռուսաստան-Աֆրիկա համաժողովի շրջանակում նման հայտարարություն է արել Կրեմլի խոսնակ Դմիտրի Պեսկովը։  Այս մասին փոխանցում է Комсомольская правда-ն: 

«Ռուսական կողմը պահպանում է իր բաց լինելը, ինչը չի կարելի ասել ուկրաինացիների մասին: Ուկրաինացիները պահպանում են իրենց անզիջում դիրքորոշումը, հատկապես հիմա, երբ բավականին բարդ իրավիճակում են»,- լրագրողներին ասել է ՌԴ նախագահ Վլադիմիր Պուտինի խոսնակը։

Ավելի վաղ Վլադիմիր Պուտինը Սանկտ Պետերբուրգի գագաթնաժողովում հայտարարել էր, որ Ռուսաստանը հարգում է աֆրիկյան երկրների խաղաղարար նախաձեռնությունները ուկրաինական հարցում։