Թրամփին մեղադրանք կառաջադրեն Կապիտոլիումի գրոհի գործով
ԱՄՆ նախկին նախագահ Դոնալդ Թրամփին մեղադրանք է առաջադրվելու 2021 թվականի հունվարի 6-ին ԱՄՆ Կապիտոլիումի վրա գրոհելու համար։ Այս մասին նախկին նախագահի փաստաբանները՝ Թոդ Բլանշը և Ջոն Լաուրոն, հայտնել են հատուկ դատախազ Ջեք Սմիթի հետ հանդիպման ժամանակ, հայտնում է NBC-ն։
Հուլիսի 18-ին ԱՄՆ արդարադատության նախարարությունը նամակ է հղել նախկին նախագահին, ըստ որի՝ Դոնալդ Թրամփը 2021 թվականի հունվարի 6-ի դեպքերի առնչությամբ դաշնային հետաքննության է ենթարկվում։ Այնուհետ Դոնալդ Թրամփը հայտնել է, որ արդարադատության նախարարությունը իրեն չորս օր է տվել՝ Կապիտոլիումի գրոհի գործով ցուցմունք տալու համար։ Թրամփը նաև ասել է, որ այս գործով իրեն, ամենայն հավանականությամբ, մեղադրանք կառաջադրեն և կձերբակալեն։
2021 թվականի հունվարի 6-ից ի վեր գրեթե 1000 մարդու մեղադրանք է առաջադրվել Կապիտոլիումի գրոհի փորձի հետ կապված, իսկ ավելի քան 460-ն իրեն մեղավոր է ճանաչել անկարգություններին մասնակցելու մեջ:
ԱՄՆ նախկին նախագահին արդեն մեղադրանք է առաջադրվել Սպիտակ տնից հեռանալուց հետո պետական գերգաղտնի փաստաթղթերի սխալ մշակման մեջ։ Գործով դատաքննության մեկնարկը նշանակված է 2024 թվականի մայիսի 20-ին։ ԱՄՆ նախագահական ընտրությունները տեղի կունենան 2024 թվականի նոյեմբերի 5-ին։
