Խստորեն դատապարտում եմ Սուխումի օդանավակայանը ՌԴ-ին հանձնելու որոշումը․ Զուրաբիշվիլի
Վրաստանի նախագահ Սալոմե Զուրաբիշվիլին դատապարտել է Աբխազիայի և Ռուսաստանի միջև Սուխումիի օդանավակայանի վերակառուցման մասին պայմանագիրը։
«Ես խստորեն դատապարտում և բողոք եմ հայտնում ռազմավարական օբյեկտը՝ Սուխումի օդանավակայանը Ռուսաստանին հանձնելու որոշման կապակցությամբ»,-ասել է նա։
Չորեքշաբթի Աբխազիայի խորհրդարանը վավերացրել է Ռուսաստանի Դաշնության կառավարության հետ համաձայնագիրը Ռուսաստանի իրավաբանական անձի կողմից Սուխումի անվան միջազգային օդանավակայանի գործունեության վերականգնման և հետագա շահագործման ներդրումային ծրագրի իրականացման վերաբերյալ: Պայմանագրի գործողության ժամկետը 49 տարի է, ներդրողի համար հատուկ հարկային ռեժիմը՝ մինչև 25 տարի:
Աբխազիայի մայրաքաղաքից 18 կմ հեռավորության վրա գտնվող օդանավակայանը չի գործում վրաց-աբխազական պատերազմի ավարտից հետո։
