Ջո Բայդենի վարչակազմը վճռորոշ դեր է խաղացել Ղրիմի կամրջի վրա հարձակման մեջ. ամերիկացի լրագրող
Պուլիտցերյան մրցանակի դափնեկիր, ամերիկացի լրագրող Սեյմուր Հերշն ասել է, որ ԱՄՆ նախագահ Ջո Բայդենի վարչակազմը վճռորոշ դեր է խաղացել Ղրիմի կամրջի վրա երկու հարձակումների մեջ: Այս մասին նա հայտարարել է` վկայակոչելով ամերիկացի պաշտոնյային, գրում է Gazeta.ru-ն:
Նրա խոսքով՝ Վաշինգտոնի դերը Ղրիմի կամրջի վրա 2022 թվականի հոկտեմբերի 8-ին և 2023 թվականի հուլիսի 17-ին հարձակման մեջ «վճռորոշ» էր։
«Իհարկե, դրանք մեր տեխնոլոգիաներն էին։ Անօդաչու թռչող սարքը կառավարվում էր հեռակառավարմամբ և կիսով չափ սուզվում էր ջրի մեջ»,- պաշտոնյայի խոսքերն է մեջբերում լրագրողը։
Հուլիսի 17-ին Ազգային հակաահաբեկչական կոմիտեն (ՀԱԿ) հայտարարել է, որ Ղրիմի կամուրջը հարձակվել է ուկրաինական երկու անօդաչու թռչող սարքերի կողմից:
